|
|
ქრონიკა
1 და 2 ივლისს სავაჭრო ცენტრ „ქარვასლაში“, ჩვენი კავშირის ორგანიზებით, საქართველოს გარემოს დაცვის სამინისტროს, სავაჭრო ცენტრ „ქარვასლას“ და „ჯეოსელის“ ხელშეწყობით გაიმართა სოციალური თერაპიის სახლის მუშაკების ექსკლუზიურ ხელნაკეთ ნამუშევართა გამოფენა-გაყიდვა
17 ივნისს ტრენინგებისა და კონსულტაციების ცენტრის მიერ გაიმართა ჩვენი ორგანიზაციის მხარდამჭერი გამოფენა-გაყიდვა, რომელსაც ამშვენებდა კლასიკური მუსიკის კონცერტი
14 ივნისს გაიმართა შეზღუდული შესაძლებლობების მქონე პირებთან დაკავშირებული III გამოფენა-ფორუმი, რომელშიც ჩვენი ორგანიზაცია აქტიურად იყო ჩართული
9, 10 და 11 ივნისს ჩატარდა პირველი ამიერკავკასიური კონგრესი შეზღუდული შესაძლებლობის მქონე პირთათვის, რომლის დევიზი გახლდათ : „ჩვენ ყველანი ვჭირდებით ერთმანეთს“. კონგრესის მუშაობაში მონაწილეობას იღებდნენ სტუმრები სომხეთიდან, აზერბაიჯანიდან, უკრაინიდან და გერმანიიდან. ესწრებოდნენ სამთავრობო და არასამთავრობო უწყების წარმომადგენლები
1 ივნისს, ბავშვთა დაცვის საერთაშორისო დღეს, მიწვეული ვიყავით შერატონ მეტეხი პალასის ადმინისტრაციის მიერ ორგანიზებულ გამოფენა-გაყიდვაზე
21 მაისს თერაპიის სახლში გაიმართა ჩვენი მუშაკების ნამუშევართა გამოფენა-გაყიდვა
4 მაისს ჩვენთან ჩატარდა თანამშრომლებისა და მუშაკების ერთობლივი საგაზაფხულო კონცერტი
26 აპრილს უნივესიტეტის სოციალურ-პოლიტიკურ მეცნიერებათა დეპარტამენტში წარდგენილი იქნა ჩვენი ორგანიზაციისა და სოციალური სამუშაოს სტუდენტთა პრაქტიკის პრეზენტაცია
23 აპრილს ჩვენი კავშირის გამომცემლობა “აწმყომ” მონაწილეობა მიიღო დედაენის დღისადმი მიძღვნილ წიგნების ბაზრობაზე
11 აპრილიდან ჩვენს სახელოსნოებში ორკვირიანი სოციალური პრაქტიკა გაიარეს თავისუფალი ვალდორფის სკოლის მეთერთმეტე კლასელებმა
8 აპრილს გაიმართა ტრადიციული სააღდგომო გამოფენა, სადაც წარმოდგენილი იყო ჩვენი სახელოსნოების ექსკლუზიური პროდუქცია
31 მარტს სოციალური თერაპიის სახლს სტუმრობდნენ უსინათლოთა ასოციაციის წარმომადგენლები. მათ გვთხოვეს დახმარება სახელობო სწავლების პროცესების გამართვაში და გამოცდილების გაზიარება
17-30 მარტს ჩატარდა ვან გოგის შემოქმედებისადმი მიძღვნილი ღონისძიება
1 მარტს გვესტუმრნენ “პირველი ნაბიჯის” თანამშრომლები და ბავშვები, მათ დაათვალიერეს ორგანიზაცია და გამოთქვეს სურვილი ჩვენთან აქტიური თანამშრომლობისა
კონფერენცია კარლსრუეში
გერმანიაში, ქ.კარლსრუეში ა.წ. 5 მარტიდან 9 მარტის ჩათვლით ჩატარდა კონფერენცია სახელწოდებით “ახალგაზრდობა გლობალიზაციის პერიოდში”. კონფერენციას ესწრებოდნენ პარტნიორები მსოფლიოს 21 ქვეყნიდან, რომლებიც მუშაობენ საბავშვო ბაღებსა და სკოლებში, სადაც სწავლება ვალდორფის პედაგოგიკას ეფუძნება ან მუშაობენ ორგანიზაციებში, სადაც რ. შტაინერის მიერ შემუშავებულ მსოფლმხედველობას - ანტროფოსოფიას თავიანთ სამუშაო მეთოდად მიიჩნევენ.
კონფერენციის ყველა წევრს აერთიანებს “მოხალისეთა გაცვლით პროგრამაში” მონაწილეობა, რაც გულისხმობს მოხალისეების მუშაობას სხვა ქვეყანაში, სხვა კულტურულ გარემოში ერთი წლის ვადით, მისთვის სრულიად უცხო ენაზე მოლაპარაკე ადამიანებთან ერთად. ასეთი ორგანიზაციები კვლავაც გამოთქვამენ სურვილს მასპინძლობა გაუწიონ მოხალისეებს თავიანთ ქვეყანაში და ასევე, თავისი მხრიდანაც გააგზავნონ მოხალისეები სხვა ქვეყნისა და კულტურის გასაცნობად.
“კავშირი ადამიანებისთვის განსაკუთრებულ ზრუნვას რომ საჭიროებენ” სურვილს გამოთქვამს მომავალშიც უმასპინძლოს მოხალისეთა გაცვლით პროგრამაში მონაწილე ადამიანებს და მეგობრული და საქმიანი ურთიერთობები დაამყაროს მათთან.
ქეთი იმნაძე
ჩემი პრაქტიკა
სოციალური თერაპიის სახლში პრაქტიკის გავლამ ჩემი ცნობიერება, ვფიქრობ, საგრძნობლად შეცვალა.
არ უარვყოფ, თავიდან ყველას გვეშინოდა, რამე არ გაგვეფუჭებინა, არ ვიცოდი, როგორ უნდოდა განსხვავებული შესაძლებლობების მქონე ადამიანებთან ურთიერთობა. მაგრამ თურმე ისევე, როგორც ყველა სხვა ურთიერთობას, არც ამას სჭირდება წინასწარ რაღაცეების ცოდნა და გეგმის მიხედვით მოქმედება. მთავარია ადამიანი იყო, უბრალოდ, უნდა უსმინო. თუ შენ უსმენ, ისიც უეჭველად მოგისმენს, თუ შენგან იგრძნობს ყურადღებას, გულებით გაუგებთ ერთმანეთს.
ჩვენმა მასპინძლებმა პირველივე დღეს გვაგრძნობინეს სითბო და მივხვდით, რომ რაც უნდა რთული იყოს, მათთან ურთიერთობას არაფერი სჯობს. მიუხედავად პატარა სირთულეებისა, აქედან სულ სხვანაირები მივდივართ, მგონი ბევრად უფრო კარგები... რაც მთავარია, ახალი მეგობრები გვყავს - თვალებმოციმციმე ადამიანები, გულებიდან სითბოს რომ ასხივებენ.
ელენე ლორია
თავისუფალი ვალდორფის სკოლის XI კლასის მოსწავლე
ვან გოგის კვირეული ჩვენი კავშირი უკვე მესამე წელია 30 მარტს ვან გოგის დაბადების დღეს აღნიშნავს. აქციის მიზანია კიდევ ერთხელ ვეზიაროთ ამ დიდი მხატვრის ღირებულებებსა და სამყაროსადმი დამოკიდებულებას, შევეხოთ მის შემოქმედებას და გავიხსენოთ მისი განვლილი ცხოვრებისეული გზა, მისი სწრაფვა ჭეშმარიტი ქრისტიანული ცხოვრების წესისადმი. გარდა ამისა, ამ აქციით გვსურს, საზოგადოებას, განსაკუთრებით ახალგაზრდობას, ვაჩვენოთ, რომ ,,საშუალო სტანდარტული ადამიანების“ გარდა არსებობენ სხვა ადამიანებიც, რომლებიც საკუთარ თავში დიდ შინაგან სამყაროს ატარებენ და რომლებიც ელოდებიან შესაფერის დროს და ხელშეწყობას მის გარეთ გამოსატანად. ამ თარიღის აღნიშნვა თავდაპირველად მოკრძალებულად დავიწყეთ სამხატვრო აკადემიის სტუდენტებთან ერთად. მომდევნო წლებში კი უფრო გავაფართვეთ ჩვენი აქცია და სხვა ორგანიზაციებიც ჩავრთეთ მასში. წლევანდელ წელს ვან გოგის დღეებში ჩართული იყო: პირველი ნაბიჯი, მშობლების თანადგომა, მე-200 საჯარო სკოლა-პანსიონი, სოციალური თერაპიის სახლი და სოციალურ-თერაპიული სახელოსნო ჯავახიშვილის უნივერსიტეტში. აქციის ფრაზა გახლდათ: ,,ადამიანს სულში ცეცხლი უგიზგიზებს, მაგრამ არავის სურს მასთან გათბეს...“ მოქმედება დავიწყეთ 14 მარტს. თავდაპირველად მოხალისე სტუდენტებმა წაიკითხეს ვან გოგის წერილები, საიდანაც ამოკრიფეს მათთვის საინტერესო გამონათქვამები. შემდგომ, ხუთივე ორგანიზაციის წევრებს გავაცანით ვან გოგის ბიოგრაფია და შემოქმედება. რის შემდეგაც დაიწყო აქციის ყველაზე საინტერესო ეტაპი, ვან გოგის გამონათქვამებზე ჯგუფური ხატვის ეტაპი. თითეული ჯგუფი შედგებოდა სტუდენტებისა და დღის ცენტრების წევრებისაგან. აქციის ფარგლებში, სულ შესრულდა 12 ნახატი. ჯგუფის წევრები შეეცადნენ თავიანთი ფანტაზიით დახატული ნახატით გადმოეცათ ისეთი ფრაზები, როგორიცაა: განა ცოდვაა ვინმე რომ გიყვარს? ან ის, რომ გინდა ვინმეს უყვარდე? ,,განა ცოდვაა სიცოცხლე რომ უსიყვარულოდ არ შეგიძლია? მე კი სწორედ ასეთ სიცოცხლეს ჩავთვლიდი ცოდვად“; ,,ესწრაფე ნათელს“; ,,ეძიებდე თავისუფლებას“; შენს დაწერილ წიგნში, ,,შენს საქციელში, შენს დახატულ სურათში სიცოცხლე რომ იგრძნოს ვინმემ, სიცოცხლე შენში უნდა იყოს“ და სხვა... სოციალურ-თერაპიულ სახელოსნოში, რომელიც მდებარეობს ჯავახიშვილის უნივერსიტეტში, დაინტერესებული სტუდენტებისათვის ჩატარდა ლექცია-საუბარი, რომელიც შეეხებოდა შეზღუდული შესაძლებლობების მქონე ადამიანების მიმართ დამოკიდებულებებს კაცობრიობის განვითარების მანძილზე, ამ ადამიანების და მათი მხარდამჭერი პირების ბრძოლას, რათა მათ შესძლებოდათ საზოგადოებაში ღირსეული ადგილის დამკვიდრება. აქციის საზეიმო ეტაპი გახდა 30 მარტს სოციალური თერაპიის სახლში მოწყობილი შემაჯამებელი შეხვედრა, ასე ვთქვათ, შემოქმედებითი საღამო. შემოქმედებით საღამოზე, მოსულ სტუმრებს წარვუდგინეთ შესრულებული ნახატები, ხოლო სოციალური თერაპიის სახლის წევრებმა სპეციალურად ამ დღისათვის ჩრდილების თეატრის საშუალებით გააცოცხლეს ტერენტი გრანელის ლექსი ,,გაზაფხულის საღამო“, ვალდორფის სკოლადამთავრებულთა ტრიომ და ანსამბლ ,,გორდელას“ ორმა წევრმა მუსიკალურად გააფორმეს ეს არაჩვეულებრივი საღამო... |
 |
“სანთელი ჩაუქრობელი”
წვიმიანი დღეა. არ ცივა, მაგრამ უკვე ვგრძნობ ზამთრის სურნელებას... დღეს პირველად მივდივარ პრაქტიკაზე. წინასწარ რაღაც მოლოდინებს არასდროს ვსახავ, არ მინდა სტერეოტიპების გავლენის ქვეშ მოვექცე.
ორგანიზაციის კარებთან ვკითხულობ წარწერას -,,სოციალური თერაპიის სახლი“, კარს ვაღებ და... ...დღეს კიდევ ერთხელ შევიცვალე სამყაროზე წარმოდგენა. თუმცა ერთხელ კი არა, უკვე ათასჯერ ნაფიქრით, ათასჯერ განცდილით. კარს აქეთ ჩემი სამყაროა. ზოგჯერ რთული, ხშირად დაუნდობელიც კი. ტკივილითა და სევდით სავსე. ამ კარს იქითა სამყარო კი აღმოჩნდა ფერადი, ლამაზი, პირველყოფილი გულუბრყვილობით სავსე, ჯერ კიდევ შეურყვნელი. არადა ერთ სამყაროში ვცხოვრობთ. ეს კარიც მხოლოდ პირობითია, უბრალოდ... შენ შეძელი იმის შენარჩუნება, რაც დანარჩენმა ადამიანებმა დიდი ხანია დავკარგეთ. რისი? _ გულწრფელობის... შენ და მე ერთმანეთისგან არაფრით განვსხვავდებით. შენც ორი ხელი გაქვს, ორი ფეხი, ორი თვალი... გულიც ორივეს გვაქვს. ჯერ კიდევ საკითხავია, ჩვენ შორის რომელი უფროა შეზღუდული შესაძლებლობების მქონე. შენ _ რომელიც გრძნობ და ამ გრძნობებს გულწრფელად გამოხატავ... თუ მე, რომელიც ვგრძნობ და ამ ყველაფერს საგულდაგულოდ ვმალავ მრავალი მიზეზის გამო.
მე ახლა შენს სამყაროში ვცდილობ შემოსვლას. შევეცდები რამე მაინც ვისწავლო, რომ არ დამავიწყდეს რა არის ადამიანობა. შენც ჩამჭიდე ხელი... გამიღე შენი სამყაროს კარი. მინდა ვიგრძნო, რომ მიუხედავად ყველაფრისა, ცხოვრება ლამაზია, ფერადია... ცხოვრება მარტო იმად ღირს, შენ რომ ანთებულ სანთელს მომაწოდებ, მე სხვას გადავაწოდებ და ასე ავაგიზგიზებთ ერთმანეთში ცხოვრების რწმენის კოცონს.
ვიცი, კვლავ არაერთხელ შემეცვლება სამყაროზე წარმოდგენა, ცხოვრებასაც ათასჯერ შევხედავ სხვა თვალით... მაგრამ ყოველთვის გამახსენდება ჩურჩულით ნათქვამი სიტყვები - ,,მე მომაქვს სანთელი ჩაუქრობელი, მე მინდა გაჩუქო შენ ჩემი ნათელი...“
ცაბუნია ვართაგავა
კავშირი ადამიანებისთვის განსაკუთრებულ ზრუნვას რომ საჭიროებენ
ცნობის ფურცელი
2010 წლის დეკემბერი
რეგიონული ტელეკონფერენცია
2010 წლის 30 ნოემბერს სასტუმრო ,,რედისონ ბლუ ივერიაში“ გაიმართა პირველი რეგიონული
ტელეკონფერენცია შეზღუდული შესაძლებლობების მქონე პირების მხარდასაჭერად
სომხეთში, საქართველოსა და ირანში. პროექტს მხარს უჭერს ნორვეგიის მთავრობა
ნორვეგიის საელჩოს მცირე გრანტების პროგრამის ფარგლებში და ახორციელებს არასამ-
თავრობო ორგანიზაცია ,,უნისონი“, რომელიც წარმოადგენს წამყვან ორგანიზაციას
შეზღუდული შესაძლებლობების მქონე პირთა უფლებების დაცვის საკითხში. პროექტის პარტნიორები
არიან ,,კავშირი ადამიანებისთვის განსაკუთრებულ ზრუნვას რომ საჭიროებებენ“
(კოორდინატორი ორგანიზაცია საქართველოში) და ,,ბაავარ ასოციაცია“ (კოორდინატორი
ორგანიზაცია ირანში).
აღნიშნული ღონისძიება მიეძღვნა შეზღუდული შესაძლებლობების მქონე პირთა საერთა-
შორისო დღეს - 3 დეკემბერს და მასში მონაწილეობას იღებდნენ შეზღუდული შესაძლებლობების
მქონე პირთა საკითხებზე მომუშავე ძირითადი ორგანიზაციები თუ სტრუქტურები
(შესაბამისი სამთავრობო და არასამთავრობო ორგანიზაციების წარმომადგენლები, უფლებების
დამცველები და ა.შ) სამივე ქვეყნიდან.
პროექტის ძირითადი მიზანი იყო გამოცდილების გაზიარება და იმ ძირითადი პრობლემების
განხილვა, რომელსაც აწყდებიან შეზღუდული შესაძლებლობების მქონე პირები სომხეთში,
საქართველოსა თუ ირანში. ასევე ადგილობრივი მთავრობების ჩართვა შეზღუდული
შესაძლებლობების მქონე პირთა მდგომარეობის გასაუმჯობესებლად.
სტუდენტთა პრაქტიკა
ჩვენს ორგანიზაციასა და თსუ-ის სოციალური სამუშაოს საბაკალავრო კურსს შორის
გაფორმდა ხელშეკრულება პრაქტიკის სწავლების შესახებ.
უნივერსიტეტში მოეწყო შეხვედრა პრაქტიკის დეტალებთან დაკავშირებით. კერძოდ,
პრაქტიკის სწავლების პროგრამა ითვალისწინებს მე-2, მე-3 და მე-4 კურსელების სრულფასოვან
პრაქტიკას სემესტრის მანძილზე.
სოციალური თერაპიის სახლის სახელოსნოებში პრაქტიკას გადის 15 სტუდენტი, თითოეულ
სახელოსნოში ორ-ორი ახალგაზრდა ჩართულია დღის რიტმით დაგეგმილ საქმიანობებში. მათთან
დაგეგმილია კომპლექსური კურსი: პროფესიული მეთოდიკის შესწავლა, პრაქტიკულად
შეზღუდული შესაძლებლობების მქონე პირებთან მუშაობა და ურთიერთობა, პრაქტიკული
დავალებები, და დღის ბოლოს დისკუსია თემატიკის მიხედვით.
ახალგაზრდებმა დიდი ენერგია და სიხარული შემოიტანეს ორგანიზაციაში. აღსანიშნავია
ის ფაქტი,რომ სტუდენტებს აქვთ დიდი მოტივაცია, რაც განაპირობებს მათ სრულფასოვან
დასწრებასა და დაგეგმილი საგანმანათლებლო კურსის ათვისებას.
შეზღუდული შესაძლებლობების მქონე პირები სტუდენტების თანმხლები და ,,მასწავლებლები“
გამოდიან და არა ბენეფიციარები. ეს ფაქტი კიდევ ერთხელ მიუთითებს იმას, რომ
არ არსებობს ე.წ. ,,ნორმა” ან ,,გადახრა“. ნებისმიერი ადამიანი, რომელიც ორიენტირებულია
განვითარებაზე, სტაჟიან გამოცდილ და სფეროში დაფუძნებულ ადამიანთან, იქნება ის ლექტორი
თუ შეზღუდული შესაძლებლობების მქონე პირი, ახერხებს საკუთარი კვალიფიკაციის
ამაღლებას. ამდენად, ჩვენი ორგანიზაცია, კავშირის წევრები, შეზღუდული შესაძლებლობების
მქონე პირები ჩვენი სტუდენტებისთვის მასპინძლები და ის ღია მიმღები ადამიანები
არიან, რომლებიც ხელს უწყობენ ჩვენი მომავალი თაობის პროფესიონალურ ზრდას.
პრაქტიკის ხელმძღვანელი - ლია ასანიშვილი
წლევანდელ სექტემბერს ყველანი ჩუმი სევდითა და გულისტკივილით შევხვდით - 2010 წლის აგვისტოში სერგეიმ - ჩვენი სახლის წევრმა, ყველასათვის ძალიან ძვირფასმა ადამიანმა დაგვტოვა და სხვა სამყაროში გადავიდა. |
 |
ჩვენი სერიოჟკა
სერგო იყო სახელოსნოს სული და გული, კოლორიტული ადამიანი,ხელოსნის
მარჯვენა ხელი, ნებისმიერ საქმიანობას, რომელსაც ის ხელს
მოჰკიდებდა, ასრულებდა დიდი პასუხისმგებლობითა და უდიდესი სიყვარულით.
საქმეც ყოველთვის კარგად გამოსდიოდა, შექება კი დიდ სტიმულს
აძლევდა.
სერგოს წარსული დროით მოხსენიება მე პირადად ძალიან მიჭირს. იმიტომ,
რომ ის იყო კარგი მეგობარი, კარგი ადამიანი. სერგოს გარდაცვალების
გამო სახელოსნოში შეიქმნა ერთი დიდი სიცარიელე, რომელსაც, ვფიქრობ, ვერავინ და ვერაფერი შეავსებს. სერგო იყო
ნიჭიერი ადამიანი, მღეროდა, შესანიშნავად უკრავდა დოლზე. (თვითონაც მხიარული იყო და მთელ სახელოსნოსაც ამხიარულებდა).
ჩვენი სახლისათვის დიდი დანაკლისია ჩვენი სერიოჟკას დაკარგვა 42 წლის ასაკში. მაგრამ რას ვიზამთ? ცხოვრება გრძელდება.
სერიოჟკა ჩვენს გულებში მარად იცოცხლებს და ჩვენ კი - ყოველთვის კეთილი სიტყვით პატივს მივაგებთ მის ხსოვნას.
რ. რაზმაძე
მოგესალმებით! მე გახლავართ ლენა ცენგერი გერმანიიდან. ვარ მოხალისე პროგრამისა “ველთვერტს“ და |
 |
სოციალური თერაპიის სახლში მუშაობა ძალიან მომწონს, რადგანაც სიამოვნებას მანიჭებს შეზღუდული შესაძლებლობების
მქონე პირებთან ყოველდღიური ურთიერთობა და მათთან ერთად მუშაობა სხვადასხვა სახელოსნოებში. ყველანი ძალიან გულღია
და გახსნილები არიან ახალი იდეებისადმი, რაც საშუალებას მაძლევს ჩემი სურვილები და იდეები მათთან ერთად განვახორციელო.
ჩემი სურვილი იყო წავსულიყავი საზღვარგარეთ, მესწავლა ახალი ენა, გავცნობოდი სხვა კულტურასა და ადამიანებს და დარწმუნებული
ვარ, საქართველოში კარგად მოვახერხებ ამ ყველაფერს. მიუხედავად იმისა, რომ ჯერ მხოლოდ ორი თვეა აქ ვარ,
საშუალება მქონდა გავცნობოდი უამრავ არაჩვეულებრივ ადამიანს და ვიმედოვნებ, მათი რიცხვი კიდევ უფრო გაიზრდება. ენას
რაც შეეხება, მხოლოდ იმას ვიტყვი, რომ ნამდვილად იმედი მაქვს, ამ ერთ წელიწადში დავეუფლო ამ რთულ ენას.
ქართული კულტურის შეფასება ერთი წინადადებით ცოტა გამიჭირდება, თუმცა ვფიქრობ, რომ გერმანული კულტურისგან ორი
რამით განსხვავდება. პირველია ტრადიცია, რომელსაც საქართველოში ჯერ კიდევ ძალიან დიდი მნიშვნელობა ენიჭება, რაც მე მომწონს,
და მეორე, ეს არის სილაღე და ქაოსი, რადგანაც ყველაფერი ისე არ არის დაგეგმილი და გაზომილი, როგორც გერმანიაში.
ყველაფერ ამას აქვს როგორც თავისი დადებითი, ისე უარყოფითი მხარე, თუმცა მე ძალიან მომწონს აქაური ცხოვრების სტილი,
როცა ადამიანები არ წვრილმნდებიან და ისე ზედმიწევნით არ იცავენ წესებს, როგორც გერმანიაში.
გემშვიდობებით მომავალ შეხვედრამდე და გისურვებთ ყველაფერს საუკეთესოს!
ლენა ცენგერი
ზურა მოწყობილი ზურა დაიბადა 1983 წლის 14 ივნისს, თბილისში. დაამთავრა თბილისის ლოგოპედიური სკოლა. ჰყავს დედა, მამა და და. სოციალური თერაპიის სახლში მოვიდა 1999 წელს. ზურამ მოიარა ჩვენი ,,სახლის“ სახელოსნოები და დაფუძნდა სანთლების სახელოსნოში. წლების მანძილზე მიმდინარეობდა მასთან ინდივიდუალური თანხლება და მეთვალყურეობა. ძირითადი პრობლემა იყო კომუნიკაცია და საკუთარი თავის ადექვატურად გამოხატვა. ზურასთან თერაპიული მუშაობა ეყრდნობოდა მეტყველების განვითარებას, გარემოში ადაპტაციას და შრომითი უნარ-ჩვევების გავარჯიშებას. რამოდენიმეწლიანმა შრომამ თავისი ნაყოფი გამოიღო. ზურა მხიარული, იუმორის მქონე ახალგაზრდაა. მისი ინტერესების სფერო ფართოა და მოიცავს საზოგადოებრივ-პოლიტიკურ მოვლენებს, შემეცნებით და მგრძნობელობით კუთხეებს. |
 |
მაიკო ტუჩაშვილი მაიკო ტუჩაშვილი სოციალური თერაპიის სახლში მოვიდა 1997 წლის 2 აპრილს. |
 |
ჩვენი სახლის ახალი წევრები
სულ რაღაც ერთი თვეა, რაც ეთერ კაზალიკაშვილი სოციალური თერაპიის სახლის წევრი გახდა და ამ ხნის განმავლობაში
მაქსიმალურად გამოავლინა თავისი შესაძლებლობები.
სოც.თერაპის სახლში ეთერი ჩართულია ყველა აქტიობაში, მღერის ძალიან კარგად, ხატავს, უყვარს პოეზია, იცის ბევრი ლექსი,
რომლებსაც პაუზებზე დიდი სიამოვნებით კითხულობს. ეთერი არის ძალიან მზრუნველი, კონტაქტური და მაქსიმალურად ცდილობს
ჯგუფის ყველა წევრს დაეხმაროს სხვადასხვა საქმიანობებში, შეუქმნას მათ კარგი განწყობა.
კრეატიულ სახელოსნოს ახლახან კიდევ ერთი წევრი - ლევან ოთანაძე შემოუერთდა. იგი 18 წლისაა და სოციუმთან შეგუება
და შრომის რიტმის გათავისება ცოტა უჭირს, თუმცა მოკლე ხანში ლევანი გაცილებით მოწესრიგებული გახდა - ცდილობს ანგარიში
გაუწიოს ჯგუფის დანარჩენ წევრებს, სითბოთი ექცევა ყველას და ყოველ დილას სიხარულით მოდის თავის სახელოსნოში.
ჩემი ზაფხულის წარმატებები
მე ვარ მირიან მურადაშვილი. დავდივარ სოციალური თერაპიის სახლში და ვმუშაობ სასადილოში, ქალბატონ მზიასთან. მთელ
დღეს ხალისიან და თბილ გარემოში მიწევს ყოფნა - აქ ყველა გულისხმიერად ეკიდება ერთმანეთს, ყოველ დღე გვიწევს ჩვენი
თანამშრომლებისათვის სადილის კეთება და ამ პროცესში მე სიხარულით ვარ ჩართული.
ამ არდადეგების შემდეგ განსაკუთრებით მომიხაროდა ჩემს სამსახურში, იმიტომ, რომ მეგობრებისთვის უნდა მეხარებინა ჩემი
ზაფხულის წარმატებები.
მე მონაწილეობა მივიღე სპორტულ შეჯიბრში, რომელიც პოლონეთში, ქალაქ ვარშავაში ჩატარდა. ვიყავით ექვსი მონაწილე
საქართველოდან, 58 ქვეყნის წარმომადგენელთან ერთად მე უნდა მერბინა ას და ორასმეტრიან მანძილზე. აეროპორტში ჩვენ
შევხვდით საქართველოს ელჩს, რომელიც ჩვენთან ერთად წამოვიდა. მასთან ერთად სამახსოვრო ფოტოც გადავიღე.
ვარშავაში გვქონდა ჯერ შესარჩევი ტურები, ვვარჯიშობდი აქტიურად, ყოველ დილით. ძალიან ვნერვიულობდი, როცა სტარტზე
დავდექი, გული აჩქარებით მიცემდა. თავი არ დავზოგე და მთელი ძალით გავიქეცი. ასმეტრიან გარბენაში ვერცხლის მედალი
მოვიპოვე, ასევე ვერცხლის მედალი ავიღე ორასმეტრიან გარბენაშიც.
საზეიმო დახურვის ცერემონიალზე გადმომცეს ჯილდოები და ძალიან ბედნიერი ვიყავი.
კიდევ ერთი მნიშვნელოვანი რამ მოხდა ჩემი იქ ყოფნისას. ყველა ქვეყანას თავისი ეროვნული კერძი უნდა გაეკეთებინა, აი,
აქ კი კარგად გამომადგა ჩემი სასადილოში მიღებული გამოცდილება. ისე მოეწონათ ჩემი საქმიანობა სამზარეულოში, რომ
პირველი ადგილი ავიღე, გადმომცეს სერთიფიკატი და მზარეულის წოდება.
ძალიან გახარებული დავბრუნდი შინ და ჩემი ახალი წარმატებებით ყველა ახლობელი გავახარე.
მირიან მურადაშვილი
| მოხალისეთა კვირეულის დღეები
არასამთავრობო ორგანიზაცია “ჰელფინგ ჰენდი“ ფონდ “ღია საზოგადოება საქართველო“-ს |
 |
ქრონიკა
ა.წ. 21 სექტემბერს სოციალური თერაპიის სახლში, თბილისში მოქმედი დღის ცენტრების ხელმძღვანელები შეხვდნენ
საკრებულოს ჯანმრთელობისა და სოციალური საკითხების კომისიის თავმჯდომარეს ბ-ნ ვიქტორ დოლიძეს და ამავე კომისიის
წევრს, ოთარ ხუფუნიას. შეხვედრაზე განხილული იყო დღის ცენტრების პრობლემები და ადგილობრივი მთავრობის მიერ დღის
ცენტრების დაფინანსების შესაძლებლობების საკითხი. შეხვედრაზე გაიმართა დისკუსია თემაზე: ადგილობრივი
თვითმმართველობა და დღის ცენტრები. შეხვედრაზე გადაწყდა, რომ ჩამოყალიბდეს დღის ცენტრების განვითარების პროგრამა,
რომელსაც წარუდგენენ თბილისის საკრებულოს განსახილველად. პროგრამა დაიწერა და გადაიგზავნა საკრებულოში.
12 ოქტომბერს სოციალური თერაპიის სახლს ესტუმრა I არხის ტელევიზია და გადაიღო სიუჟეტი სოციალური თერაპიის სახლის
შესახებ, 14 ოქტომბერს სიუჟეტი გავიდა საზოგადოებრივი მაუწყებლის ეთერში “ჩვენი დილა. დილის ეთერში მიწვეული
იყო ჩვენი სახლის სოციალ.თერაპევტი ლია ასანიშვილი. მან ფართო საზოგადოებას გააცნო ჩვენი კავშირის მიღწევები
და პრობლემები, დღვანდელ საქართველოში სოციალურ სფეროში მიმდინარე ტენდენციები და შესაბამისად შშმპ-ის
ამჟამინდელი მდგომარეობა და საზოგადოებისა და სახელმწიფოს მხრიდან მათი მიმღეობის ტენდენციები.>
3 დეკემბერს მონაწილეობა მივიღეთ სასტუმრო “რადისონში“” გამართულ შშმპ-თა საერთაშორისო დღისადმი მიძღნილ
კონფერენციაში. კონფერენციის პარალელურად მიმდინარეობდა სოციალურ სფეროში მოღვაწე არასამთავრობო
ორგანიზაციების ნაწარმის გამოფენა-გაყიდვა.
3 დეკემბერს თბილისის ივ. ჯავახიშვილის სახ. უნივერსიტეტის თვითმმართველობის სტუდენტებისა და ჩვენი კავშირის
თეატრალური დასის მიერ მოეწყო 3 დეკემბრის დღისადმი მიძღვნილი ღონისძიება. უნივერსიტეტის VIII კორპუსის სააქტო
დარბაზის ჰოლში გამოიფინა სოციალური თერაპიის სახლის სახელოსნოების ნაკეთობები, ჩვენი წევრების ფოტოები და
ვიზუალური მასალა. სააქტო დარბაზში მოხდა ჩვენი კავშირის პრეზენტაცია, თეატრალურმა დასმა კი სტუდენტებსა და
პროფესორ-მასწავლებლებს უჩვენეს სპექტაკლი - V აქტი შექსპირის “ზაფხულის ღამის სიზმრიდან“, სპექტაკლი ტექნიკურად
სრულად აღჭურვილი იყო. დარბაზი გაფაციცებული და გაოცებული უყურებდა და უსმენდა “მსახიობებს. მაყურებელმა დიდი
ოვაციებით დააჯილდოვა ისინი.
4 დეკემბერს მონაწილეობა მივიღეთ “შერატონ მეტეხი პალასში“” გამართულ ტრადიციულ საშობაო გამოფენა-გაყიდვაში
7 დეკემბერს “ბრიტიშ პეტროლეუმ-მა მიგვიპატიჟა სათაო ოფისში წინასაშობაო ბაზრობაზე. BP-ს მხარდაჭერა მეტად
მნიშვნელოვანი და ღირებულია ჩვენი ორგანიზაციისათვის, რისთვისაც უღრმეს მადობას ვუხდით მათ.
7 დეკემბერს ეკატერინობასთან დაკავშირებით სოციალური თერაპიის სახლში მოეწყო ჩვენი წევრის ეკა რამიშვილის სოლო
კონცერტი. ეკამ სოციალური თერაპიის სახლის წევრებს უმღერა ქართული პოპულარული სიმღერები.
8 დეკემბერს ჩვენი სახლის წევრმა ქეთინო მუსელიანმა სახლის წევრებისა და თამანშრომლებისათვის ჩაატარა “მინი
კონცერტი. მან ფორტეპიანოზე შეასრულა საყვარელი მუსიკალური ნაწარმოებები.